Директорката која отвори албанска паралелка во Чашка, наградена со вработување на ќерката во Просветниот инспекторат

Додека повеќе од еден месец, учениците од основното училиште „Тодор Јанев” во Чашка ја бојкотираат наставата поради  незаконско воведувањето на паралелка на албански јазик во населено место само со Македонци, излегува на површина причината за сервилноста на ВД директорката, Елена Николова, кон надлежните образовни институции, со кои раководат кадри на ДУИ и на Алијанса на Албанците.

Имено, за послушноста и лојалноста на Николова, нејзината ќерка од неодамна е вработена како советник на директорот на Државниот просветен инспекторат, Халит Фератов, кој сега ја турка приказната околу отворањето паралелка на албански јазик, во место каде што нема никаква логична оправданост.

За личните интереси на директорката Николова, денеска во колумна за „Нетпрес“, откри Ѓорѓи Илиевски, Виш просветен инспектор во пензија.

„По одземањето на ингеренциите на градоначалникот на општината Чашка од ООУ „Тодор Јанев“ – Чашка и разрешување на директорот, министерот Јетон Шаќири ја назначува за ВД директор одделенската наставничка Елена Николова. Таа треба да ги извршува сите одлуки по барање на министерот и директорот на Државниот просветен инспекторат Халит Фератов, без учество на органот на управување (незаконски), односно, поконкретно кажано училиштето е оставено без орган на управување. За ваквиот незаконски и политички акт, ВД директорката Елена Николова, е наградена со вработување на нејзината ќерка Теодора Матиевиќ во Државниот просветен инспекторат-Советник на директорот Халит Фератов. А, покрај ќерката на ВД директорката, наградени ќе бидат со унапредување во повисоко звање и некои просветни инспектори“.

Родителите на учениците Македонци не дозволуваат противзаконско и вонстатутарно отворање на албанска паралелка која ја одобри МОН, а ја прифати директорката Николова.

Неколку денови полиција од Велес и Чашка беше и тампон зона помеѓу родители и директорката, а еднаш мораше и да интервенира за да ја спречи топлата да и се нафрли на Николова.

Според родителите кои не ги пуштааат децата на настава во ООУ „Тодор Јанев”, министерот за образование Јетон Шаќири насилно и притивзаконски сака да отвори албанска паралелка во Чашка, иако, за децата има други училишта во кои наставата се одвива на албански јазик.

Револтот деновиве кај родителите е зголемен откако министерството најави привремена онлајн настава поради бојкотот, но, набргу се предомисли.

Тие му предложија на министерот за образование Јетон Шаќири, четирите деца за кои се отвори паралелката, да учат на својот мајчин јазик во друго училиште во село Сливник, додека не се изгради училиште во Бањица од каде што се децата и кое е предвидено да се гради уште пред повеќе години.
Сливник е населено место под Општина Велес, а од локалната власт понудиле да ги подмират трошоците за превоз на децата бидејќи Бањица и Сливник се два километри оддалечени. Но, министерот инсистира тие деца да учат во Чашка и да патуваат осум километри.

Извор

Најново

ПОВРЗАНИ ОБЈАВИ
КОЛУМНИ

ИЗБЕРЕТЕ ГО ИДЕАЛНИОТ ТИМ НА СЕЗОНАТА 2023/2024 – ЖЕНИ (АНКЕТА)

Втора сезона по ред редакцијата на 24Ракомет, единствениот...

ИЗБЕРИ ГО ИДЕАЛНИОТ ТИМ НА СЕЗОНАТА 2023/2024 – МАЖИ (АНКЕТА)

Зад секој успех на тимот стојат и поединци...