Ѓорче Петров стартува од второ коло во Лигата на Европа, ждрепката ја чека од прв шешир

Ѓорче Петров стартува од второ коло во Лигата на Европа, ждрепката ја чека од прв шешир

Во новото издание на Лигата на Европа во женска конкуренција ќе играат 35 екипи, а 18 од нив својот пат ќе го започнат од второто квалификациско коло, меѓу нив и македонскиот првак Ѓорче Петров.

„Лавиците“ ќе бидат во прв шешир пред ждрепката, но може да добијат тешки ривали од типот на романската Валчеа и шпанската Бера Бера.

Има и добри опции од типот на швајцарската Амичитија Цирих и турскиот првак Јенимале, но и незгодни тимови како полскиот Кобержице, унгарскиот Вац, францускиот Дижон…

Деветте победници од второто коло, ќе се пласираат во третото каде веќе ги чекаат 15 екипи и ќе бидат формирани 12 двојки. Победниците од таа рунда ќе обезбедат место во групната фаза.

Натпреварите од второто квалификациско коло ќе се играат на 5/6 октомври, како и на 12/13 октомври годинава. Ждрепката за двојките од втората и третата квалификациска рунда ќе биде на 16 јули од 11:00 часот.



Извор

Најново

ПОВРЗАНИ ОБЈАВИ
КОЛУМНИ