ГО СНЕМА, А СИТЕ ГО ЧЕКААТ: Може Спасовски сега има решение за хаосот со личните документи?

Дојде денот кога се виде дека уверувањата на власта како се тече по планот околу наметнатите промени на личните документи – се празни зборови. Голем хаос настанува од утре кога илјадници македонските граѓани кои немаат лични документи со новото име на државата ќе имат проблем во секојдневното живеење.

Оние кои немаат пасоши со омилениот збор на власта – „Северна“ не можат да излезат од земјата. Тоа е еден вид на државен притвор.

Оние пак, кои немаат стигнато поради огромниот хаос да променат возачка дозвола нема да смеат да седнат зад управувачот на возилото. И за ова им се кажува сега пред истекот на рокот.

На регистарските таблички задолжително морало да има го има фамозното и нејасно  „НМК“, а налепници уште ги нема. Невиден срам и неодговорност на надлежните.

Морало да се сменат и сообраќајните дозволи… ќе фрштеле казни…

Премногу компликации и тешкотии за голем дел од македонските граѓани. Премногу понижувања. И сето тоа при секојдневието во државата во која нема ден да нема некој скандал, насилство или други причини за вознемиреност.

Кој е виновен за сетиот овој хаос каков никогаш не се случил во некоја друга земја во светот?

Вината лесно ќе се најде. Таа е во државните органи и оние кои со нив раководеа и раководат. Преспанскиот договор стапи на сила на 12 февруари 2019 година. Тој предвидуваше рок од пет години, до 12 февруари 2024 година за промена на личните документи на македонските граѓани. Но, од јануари 2019 па до август 2021 година нашата држава продолжи да издава лични документи со старото име на државата определувајќи им важност и по 2024 година.

Зошто тоа се правеше? Каде е сега, порано сеприсутниот, министер Оливер Спасовски ова да го објасни?

Зошто, откако во 2021 година почна издавањето на нови обрасци со новото име на државата не се преземаа поорганизирани акции за што побрзо менување на личните документи? Наместо тоа, се даваа изјави дека процесот ќе заврши до февруари, тоа и тоа и се кажувало дури и на грчката амбасадорка, дури и во јули минатата година кога бројот на  граѓани кои чекаа на промена изнесуваше околу 800.000 лица. Тогаш и најпроста математика кажуваше дека за да се исполни рокот до 12 февруари ќе треба секој ден по 3.900 граѓани да менуваат пасоши, а што беше невозможно. Но, тоа никого не го мобилизира.

-Недостатоци се случува, за жал, во Скопје, меѓутоа и тука имаме сериозен напредок, самата бројка на издадени над 1,25 милион патни исправи и над 1,1 милион лични карти и околу 550.000 возачки дозволи говори дека процесот се доведува до крај. И најважно од се е дека на 12 февруари не престанува издавањето документи, тие ќе можат и понатаму да се издаваат, изјавуваше доскорешниот министер за внатрешни работи Оливер Спасовски на 24 јануари.

Знае Спасовски колку жители и колку македонски пасоши има издадено државата? Како мислеше дека „процесот се доведува до крај“? Зошто нема доволно обрасци? Зошто уште ги нема фамозните налепници?

И кога ќе се тргне така лефтерно нормално е дека лекот на хаосот не се најде. Претходниот премиер Димитар Ковачевски и шефот на државата Стево Пендаровски јавно се натегаа кој да се јави во Грција за да издејствува продолжување на рокот за замената. Но, никој не се јави, а Атина и покрај тоа одговори негативно. Сега треба да се бара внатрешно решение за граѓаните да не се дополнително малтретираат и понижуваат. Се бара ли решение и може ли да се најде?

Новиот, технички, министер за внатрешни работи Панче Тошковски синоќа изјави дека „решение има и дека е многу едноставно“.

Ако има политичка волја за еден ден ќе ги решат маките на луѓето. Имаме Предлог на закон за изменување на Законот за патни исправи на државјаните, еве го спремен е готов е и еве го другиот. Овој дури сум го потпишал. Предлог на закон за изменување на закон безбедност на сообраќајот на патиштата. За еден ден решение има, само треба да сакаат да имаат политичка волја. И немојте да ја залажуваат јавноста дека ќе сме прекршеле договор, рече тој на ТВ Канал 5.

Што на ова ќе одговори Владата и техничкиот премиер Талат Џафери? Ќе се разгледа ли предлогот, ќе се види ли дали е можен за спроведување или не. Дали Владата ќе иницира нешто друго? Има ли новиот министер и други организациски адути во ракавот, нешто мора да направи?

Може, пак, сега Спасовски има решение? Што чека – нека го каже.

Извор

Најново

ПОВРЗАНИ ОБЈАВИ
КОЛУМНИ

Песот на Бајден ги каснал тајните агенти најмалку 24 пати

Кучето Командер на американскиот претседател Џо Бајден каснало агенти...

„Кога на вашите им викате „јас и Оливер се обезбедивме“ ЈАСНО ИМ Е ДЕКА ГИ ГУБИТЕ ИЗБОРИТЕ“

Во однос на апанажата, кога вашите членови, симпатизери, луѓето...

За оваа изненадувачка придобивка од водата за пиење ретко се зборува

131 Знаеме дека не можете да живеете без вода. Тоа...