Тимот на Радовиш посакува брзо враќање во елитната конкуренција на Македонија, па се засили пред стартот на новата прволигашка сезона.
Нов ракометар на Радовиш е искусното лево крило Зоран Стојановски, кој по три сезони со враќа во овој клуб.
Велешанецот, кој потекнува од Борец, а ги бранеше боите на Овче Поле, Голден Арт и Тиквеш, одново ќе заигра за Радовиш и ќе се обиде да му помогне на клубот да обезбеди брз камбек во Супер лигата.
Претходно тимот на Љупче Мијалов го врати и левиот бек Здравко Постолов во своите редови, а во клубот останаа Иванче Ончев, Кристијан Костадиновски, Филип Талевски…
Радовишани го донесоа и еден од најдобрите прволигашки стрелци, Васе Петров од Текстилец, а беа потпишани договори и со Филип Костадинов, Бојан Јованов, Филип Димовски, Костадин Ѓоргиев и Јован Ѓоргиев.
Новата прволигашка сезона почнува на 23/24 септември, а допрва ќе се знае по кој формат ќе се игра.
