Кадетите беа немоќни против брзата Данска

Машката кадетска репрезентација на Македонија на стартот од главната фаза на Светското првенство во Хрватска беше поразена од Данска со 37:30.

Со победата над Македонија, Данска веќе обезбеди пласман во четвртфиналето на кадетскиот Мундијал, бидејќи на свое конто сега има 4 бода. Македонија утре ја очекува дуел против Австрија.

Откако Македонија водеше со 1:0, односно 2:1, следуваше серија од 3:0 на Данска, која направи пресврт, поведе со 4:2 и до крајот на натпреварот беше во константна предност.

Македонските кадети се обидуваа да фатат приклучок и барем резултатски да се доближат, но нивните врсници од Данска не се опуштаја премногу и денешната задача ја завршија во првото полувреме.

Данска во 10-та минута имаше 8:4, потоа дојде до плус шест, 11:5, и како одминуваше времето ја зголемуваше предноста во своја корист. На моменти, предноста на Данска беше седум до осум гола разлика, додека на полувреме резултатот гласеше 18:12.

 

Македонија за само неколку минути во вториот дел ја стопи предноста на Данска, постигна неколку погодоци на празна мрежа и се доближи на 20:17. По налетот на Македонија, дојде до консолидирање во редовите на Данска, па така во 40-та минута нејзината предност беше 25:19.

Ракометарите на Стојановиќ не се откажуваа од намерата да дојдат до помала негатива и за момент намалија на 29:25, имаа напад и за минус три гола разлика, но кадетите на Данска ги казнуваа грешките на Македонија и во 50-та минута повторно дојдоа на разликата од првиот дел, поведоа со 31:25.

Во последните десет минути дојде до мал пад во играта на Данска и грешките во нападот на брзите скандинавци беа искористени од страна на нашата репрезентација. Македонија на седум минути пред крајот конечно реализираше за минус три, 31:28, но противникот со два гола во низа се одлепи на 33:28 и до крајот ја чуваше стекнатата предност.

Најефикасни во Македонија со по шест погодоци беа Дамјан Митев и Давид Димевски. Кај Данска прво име беше Тобиас Томбак со седум реализации.

Следете не на нашите социјални мрежи, на Facebook, и бидете дел од Viber заедницата на 24Ракомет – добивајте ги сите информации веднаш на вашиот телефон!



Извор

Најново

ПОВРЗАНИ ОБЈАВИ
КОЛУМНИ

Песот на Бајден ги каснал тајните агенти најмалку 24 пати

Кучето Командер на американскиот претседател Џо Бајден каснало агенти...

„Кога на вашите им викате „јас и Оливер се обезбедивме“ ЈАСНО ИМ Е ДЕКА ГИ ГУБИТЕ ИЗБОРИТЕ“

Во однос на апанажата, кога вашите членови, симпатизери, луѓето...

За оваа изненадувачка придобивка од водата за пиење ретко се зборува

131 Знаеме дека не можете да живеете без вода. Тоа...