Ќе се игра „јужна“ СЕХА лига, кинески тим ќе игра во дивизијата „Исток“

Откако пред четири сезони во регионалната СЕХА лига играше тимот на Пекинг Универзитет, одново ќе има кинески тим во ова натпреварување.

Станува збор за Ист Кина, кој настапува во белорускиот шампионат и ќе биде преставник на Белорусија во дивизијата „Исток“, пишува „Брз Центар“.

Минатата сезона во оваа дивизија на СЕХА играа осум екипи – по четири од Белорусија и Русија, а во новата сезона ќе има плус две – Виктор Ставропол и Ист Кина.

Според најавите од Русија, ќе се игра и дивизијата „Југ’, но не сите екипи што играа лани, па веќе се бараат нивните замени.

Вице-претседателот на СЕХА, Борис Сапожњиков откри дека Веспрем останува во лигата, како и српските клубови.

„Во дивизијата „Југ“, очигледно, нема да можат да играат сите клубови што играа минатата сезона, затоа веќе им бараме замени, но ќе се воздржам од објавуање на нивните имиња. Но следното можам да го кажам со сигурност – Веспрем останува со нас, српските клубови исто така. За останатите се водат разговори. Не седиме со скрстени раце, и бараме нови можности и нови формати. Во новата сезона лигата ќе се рашири – екипи од Турција, Иран и други земји од Блискиот Исток“, изјави Сапожњиков.

Македонските и хрватските екипи веројатно се оние за кои „се водат разговори“, за продолжување на учеството во оваа конкуренција, па наскоро би требало да има нови информации на оваа тема.



Извор

Најново

ПОВРЗАНИ ОБЈАВИ
КОЛУМНИ

Ѓорѓиевска: На ЕП да покажеме дека македонскиот ракомет се враќа на високо ниво

Женската репрезентација на Македонија ќе игра против Унгарија,...

Магдебург го бара Вулф, ама ќе треба да го „одврзе ќесето“

Германскиот Магдебург е заинтересиран во своите редови да...

Цирар: Покажавме дека може да се надигруваме со Еурофарм Пелистер

После победата над Струга во „Езерското дерби“, ракометарите...

Ред партиски митинзи – ред работнички протести, министрите каде одат почесто?

Изборната кампања зоврива, но зовриваат и проблемите на граѓаните....