Ловќен му посака добредојде на Бојан Маџовски

Амбициозниот тим на Ловќен од Цетиње го потврди трансферот на повремениот репрезентативец на Македонија, Бојан Маџовски.

Левото крило, коe зад себе има запишано и настапи во Лигата на шампионите, ќе заигра за првпат надвор од Македонија и во тимот на Ловќен ќе го има првиот интернационален предизвик во својата кариера.

Маџовски потекнува од школата на Металург и во тимот од Автокоманда ја стекна својата афирмација, најпрво во вториот тим на некогашниот македонски шампион, односно во Металург Јуниор, потоа и во првиот тим.

29-годишниот ракометар во сезона 2018/19 од Скопје се пресели во Битола, а во последните шест месеци од минатата сезона го носеше дресот на вториот тим на Еурофарм Пелистер.

Во Ловќен од битолскиот тим пристигна и искусниот Мирко Радовиќ, па така црногорскиот шампион ќе има конкурентен тим за во Европа.

Нови ракометари во Ловќен, покрај Радовиќ и Маџовски, сѐ и Иван Перишиќ, Богдан Петричевиќ, Филип Борозан, Вук Лакичевиќ, Михајло Шчекиќ, Милорад Бакиќ и Лука Вујовиќ.

Ловќен во новата сезона ќе игра и на европска сцена, доби директно место во групите од Лигата на Европа. Црногорскиот првак во второто по квалитет европско клупско натпреварување за ривали ги има Кадетен Шафхаузен, Фленсбург и Елверум.

 

 



Извор

Најново

ПОВРЗАНИ ОБЈАВИ
КОЛУМНИ

Соиграч на Филип Талески пред преселба во Партизан

Тимот на Партизан за следната сезона создава тим...

Фуксе Берлин по долга пауза се враќа во европската елита

На неколку кола пред крајот во најквалитетната лига...

Не го однесе клубот на Ф4 во ЛШ, па си заработи отказ

Скапиот проект на ЧСМ Букурешт петта сезона по...

Три екипи во битка за директен опстанок во елитата

Утре со натпреварот меѓу Скопје и Мулти Есенс...