Македонија ја сруши моќната Унгарија, ќе игра за 9 место на СП!

Машката кадетска репрезентација на Македонија по денешната победа над Унгарија од 22:20 ќе се бори за 9 место на Светското кадетско првенство во Хрватска.

Кадетите во дуелот со четвртата европска сила од последното Европско кадетско првенство одиграа одлично во вторите 30 минути и целосно ја надиграа силната Унгарија, која немаше решение за Калајџиески, Марио Стојановски, Петковски, Галевски…

Македонија имаше посакуван старт, иако по почетните 1:1 на трипати промаши, сепак, со погодоците на Петковски и Ристевски дојде до 3:1 во воведните пет минути. Унгарија никако не можеше да влезе во ритам, наиде на добро поставена одбрана на „црвено-жолтите“ и само за петнаесетина минути имаше постигнато четири погодоци.

Ривалот на Македонија за момент израмни на 3:3, по што следуваа два гола во низа на нашата репрезентација, која кон средината на првиот дел дојде до предноста од почетниот дел, поведе со 5:3. И повторно кога избраниците на Стојановиќ требаше да направат чекор плус и да се оддалечат на три разлика, ривалот се врати во игра.

Унгарската репрезентација направи серија од 5:0 и во 20-та минута имаше плус три разлика на свое конто, 8:5. Добрата серија на Унгарија беше прекината со голот на Марио Стојановски, кој намали на 8:6. Иако Унгарија на пет минути пред крајот водеше со 12:9, Македонија со одличниот Галевски меѓу стативите и погодоците на Ристевски, Петковски и Калајџиески се избори за 12:12 на полувреме.

Македонските кадети го отворија второто полувреме победувајќи со 13:12. Од тој момент, ракометарите на Стојановиќ ја презедоа контролата на теренот. Во првите десет минути од вториот дел предноста на Македонија беше гол позитива. По нерешените 15:15, погодија Петковски и Димковски, па така предноста од плус еден беше зголемена на два разлика, 17:15.

Одбраните на Галевски и добрата организираност во нападите и донесоа на Македонија плус четири позитива во 48-та минута, 21:17. Ракометарите на Унгарија не се предаваа, се доближија на 21:20, но во 3-4 наврати не успеаја да го совладаат Галевски. Кризата на Македонија од десет минути без постигнат гол ја прекина Калајџиески со гол од пенал за 22:20 на две минути пред крајот. Тоа значеше голема радост за ракометарите на Стојановиќ, бидејќи Унгарија немаше доволно време за барем реми.

Следете не на нашите социјални мрежи, на Facebook, и бидете дел од Viber заедницата на 24Ракомет – добивајте ги сите информации веднаш на вашиот телефон!



Извор

Најново

ПОВРЗАНИ ОБЈАВИ
КОЛУМНИ

„Забавно е да се игра во Битола“

Голманот на Вардар, Мартин Томовски никогаш во својата...

Кадетското злато остана во Автокоманда

Домаќинот на кадетскиот турнир од Ф4, не залудно...

Младост ја продолжува борбата за второто место во прволигашкиот плеј-оф

Тимот на Младост Богданци пред својата публика не...

Радовиш чекор поблиску до суперлигашки бараж

Екипата на Радовиш пред својата публика одигра според...