Норвежаните среќни по триумфот: Беше задоволство да се игра во луда атмосфера

Норвешкиот шампион Колстад славеше против Еурофарм Пелистер во Битола со 31-22 во првото коло од Лигата на шампионите.

Асистентот на Кристијан Берге на клупата, Стиан Гомо, вели дека се задоволни од одиграното во полната сала.

„Имаше одлична атмосфера во салата и одлични навивачи, ова беше убаво искуство за нас. Одигравме цврсто во одбраната, имавме контрола на резултатот и над нивните пивотмени. Задоволен сум од одиграното“, вели асистентот на Кристијан Берге, Стиан Гомо.

Десното крило Сигвалди Гудјонсен вели дека иако е тешко да се игра во полна сала, од друга страна е задоволство.

„Беше луда атмосфера и тешко е да се игра пред полна арена пред вакви навивачи, но од друга страна задоволство е да се игра. Одигравме добар натпревар, имавме контрола од самиот почеток, пред се на играта во одбраната. Бергеруд одбрани одлично“, вели Гудјонсен.

Следен предизвик за Еурофарм Пелистер ќе биде мечот со Вардар, а потоа во среда му гостуваат на данскиот Алборг во Лигата на шампионите, додека Колстад ќе го пречека полскиот Келце.



Извор

Најново

ПОВРЗАНИ ОБЈАВИ
КОЛУМНИ

ПОЗНАТИ СОСТАВИТЕ: Еве кои 16 ракометарки ќе настапат за Македонија на првиот дуел на СП

Денеска во Скопје ќе стартува Светското младинско првенство,...

Трампа меѓу Кил и Келце – Вулф во Германија, Беласен во Полска!

Според пишувањата на „Билд“, еден од најдобрите голмани Андреас...

Од Куманово во БиХ – Благојевиќ ќе им прави друштво на Граџан, Николиќ, Плех…

Довчерашниот член на Куманово, Милош Благојевиќ, кој во...