Прстенот на Тупак Шакур продаден за рекордни милион долари

Златниот прстен со рубин и дијаманти во форма на круна кој славниот рапер Тупак Шакур го носеше на своето последно појавување во јавноста е продаден за милион долари на наддавање во Њујорк во вторникот.

Добитната понуда беше значитело повисока од процените на аукциската куќа Sotheby’s меѓу 200.000 и 300.000 долари и стана највредниот продаден хип-хоп артефакт.

Американскиот рапер го носеше овој прстен на своето последно јавно појавување на доделувањето на музичките награди MTV Video Music Awards на 4-ти септември 1996 година. Само неколку дена подоцна, на 13-ти септември, раперот беше убиен од неидентификуван напаѓач во пукање од возило во движење во Лас Вегас. Имаше само 25 години.

Шакур, кој меѓу другите стана познат и по хитот „California Love“, го дизајнирал прстенот во текот на неколку месеци, објавија од Sotheby’s. Во тоа му помогнала кумата Јаасмин Фула која сега и го стави прстенот на продажба.

Шакур бил под влијание на политичкиот манифест „Владетел“ на италијанскиот филозоф Николо Макијаввели од XVI век. Го прочитал додека бил во затвор поради обвинувања за сексуално злоставување. Го дизајнирал прстенот според примерот на круните на средновековните европски кралеви, додаваат од Sotheby’s.

На прстенот е вгравирано „Pac & Dada 1996.” што се однесува на неговата девојка Кидада Џонс. Златниот прстен во форма на круна, исто така, е опточен со помали дијаманти, а во центарот се наоаѓа небрусен рубин кој го опкружуваат два брусени дијаманта.

Продажбата беше дел од наменска хип-хоп аукција со којашто се одбележуваат 50 години од појавата на овој жанр во август годинава.

Шакур се смета за еден од најголемите рапери на сите времиња со продадени 75 милиони носачи на звук. Беше централната фигура на хип-хоп сцената на американскиот Западен брег чие седиште беше во Лос Анџелес којашто се конфронтираше со ривалските рапери од Источниот брег чиешто средиште беше Њујорк.

Убиецот на Шакур никогаш не беше откриен, а долги години во оптек се шпекулациите за тоа кој е одговорен за неговата смрт. Шест месеци по неговото убиство, убиен беше и раперот од Источниот брег, Критофер „Ноториус БИГ“ Волас.

Многумина веруваат дека нивните убиства се последица од ривалството меѓу нивните музички издавачи „Death Row“ од Лос Анџелес и „Bad Boy Entertainment“ од Њујорк. Но некои историчари на музиката велат дека приказните за поделбата меѓу Западниот и Источниот брег на САД се предимензионирани од комерцијални причини.

Полицијата во Лас Вегас минатата седмица изврши претрес во една куќа во рамките на истрагата за убиството на Шакур.

Извор

Најново

ПОВРЗАНИ ОБЈАВИ
КОЛУМНИ

СП младинки: Познати се осум учесници во главната фаза

Денеска на Светското првенство во Македонија беа одиграни...

Трикратниот освојувач на ЛШ ќе игра и на 37 години

Поранешниот репрезентативец на Германија, Тобијас Рајхман, ова лето...

🎥 Ѕирнете одблизу: Како Николов и Начевски го судеа финалето на ЛШ

Европската ракометна федерација (ЕХФ) во штотуку изминатата сезона одлучи...

🎥 Ѕирнете одблизу: Како Николив и Начевски го судеа финалето на ЛШ

Европската ракометна федерација (ЕХФ) во штотуку сезона одлучи правдата...