Симовски: Девојките одработија дисциплинирано и паметно, затоа дојдовме до двојна круна

Екипата на Ѓорче Петров го освои трофејот во Купот на Македонија кај дамите и во третиот обид конечно успеа да дојде до двојна круна.

Ѓорче Петров на 31. издание од Купот на Македонија со одличен втор дел дојде до убедлив триумф над Чаир од 36:24.

Тренерот на Ѓорче Петров, Симе Симовски, по освоената двојна круна за 24Ракомет ги сподели првите импресии.

,,Честитки до девојките и стручниот штаб за одработеното, договореното уште од август, односно од почетокот на првенството, максимално го одработија во секој сегмент и на физички и на тактичко-технички план. Беа истрајни во сите добри и лоши работи. Во Ф4 турнирот во Купот одлучува еден натпревар, топката е округла, ние бевме прецизни во анализата, комплетно ја анализиравме играта на Чаир и Куманово, во финалниот дуел во првите петнаесетина минути имавме опасност од три позиции, беа анулирани потоа, и во останатиот дел сѐ беше на наша страна”, изјави Симовски.

Освен на домашна сцена, во оваа сезона Ѓорче Петров учествуваше и во Европскиот Куп, во кој направи голем успех со пласманот во четвртфиналето.

,,Целата сезона беше напорно, имаме натпревари во кои тренингот ни е појак, но и тој натпревар треба да го одработиш и да се подготвиш за него. Девојките одработија дисциплинирано, паметно и затоа дојдовме до двојна круна, морам да напоменам дека во Европскиот Куп влеговме мегу најдобрите осум екипи, презадоволен сум од постигнатото”, заврши Симовски.

Ова е 17. титула за Ѓорче Петров, кој го наследи спортскиот континуитет на клубот, кој зад себе има една европска титула и досега 16 Куп титули во Македонија.

Ѓорче Петров со фуриозен втор дел до Куп трофеј



Извор

Најново

ПОВРЗАНИ ОБЈАВИ
КОЛУМНИ

Јанев: Не игравме според договореното!

Женската младинска репрезентација на Македонија на СП во...

Чурлиновска собра 12 одбрани и стана МВП против Исланд

Женската младинска репрезентација на Македонија во второто коло...

ПОЗНАТИ СОСТАВИТЕ: Македонија со две промени против Исланд

Женската младинска репрезентација на Македонија денеска ќе го...

Македонија доживеа дебакл, но шансите за главната рунда останаа

Женската младинска репрезентација на Македонија во второто коло...