Вардар на шопинг кај шампионот – го донесе Марио Танкоски!

Вардар на шопинг кај шампионот – го донесе Марио Танкоски!

Македонскиот бек Марио Танкоски во следните две сезони ќе биде член на Вардар. Повремениот македонски репрезентативец кој игра на позицијата среден бек ќе го облече „црвено-црниот“ дрес и доаѓа како играч од кого многу се очекува во иднина, играч кој има огромен потенцијал.

Танкоски потекнува од Струга од каде доаѓаат голем број на ракометни таленти и докажани ракометари. Во својата кариера Танкоски играше за екипата на Металург 2, потоа за Металург и по четири сезони поминати во Битола се враќа во Скопје. Зад себе има две титули и еден Куп на Македонија.

Во репрезентацијата на Македонија играше на СП 2019 година и на ЕП 2020 година.

Танкоски ќе му се стави на располагање на тренерот Владо Недановски во средината на јули кога почнуваат подготовките на тимот.

Тој е шесто засилување за Вардар откако претходно потпис на договорите ставија средниот бек Младен Крсманчиќ, левиот бек Дмитро Горига, десниот бек Ашреф Мергали, дефанзивецот Томче Стојановски и десното крило Мигел Пинто.



Извор

Најново

ПОВРЗАНИ ОБЈАВИ
КОЛУМНИ