Вардарци се во финалето на Струга 2023

Некогашниот европски првак Вардар го совлада шведскиот претставник Гуиф со 28-26 (14-10) на отворањето на третиот натпреварувачки ден во Струга. „Црвено-црните“ го контролираа темпото и резултатот во натпревар кој мина во фер и коректна игра. На крајот

За жал резултираше и со една повреда на шведскиот ракометар Ноел Густафсон кој предвреме го заврши натпреварот во првото полувреме со повреда на скочниот зглоб.

Мишевски го отвори резултатот на овој натпревар, по што Петриќ го одведе Вардар на „плус два“, разлика која ракометарите на Гуиф бргу ја анулираа. Неизвесно беше до средината на првиот дел, кога вардарци повторно го вратија водството од два гола. Но слично како на почетокот на натпрварот упорните Швеѓани предводени од црногорскиот стратег Зоран Рогановиќ не дозволија Вардар предвремед да слави. Така во 18. минута резултатот беше повторно израмнет овој пат на 8-8.

Во последниот период од полувремето „црвено-црните“ со низа од три голови ја најавија победата на овој дуел. Гуиф остана на 8, а Вардар до 25. минута постигна 11 голови. Безбедната разлика скопскиот суперлигаш успеа да ја одржи до крајот на првиот дел, а со голот а Џукиќ од пенал во 30. минута беа поставени конечните 14-10.

По паузата вардарци ги искористија одбраните на голманот Томовски и ја зголемија предноста на 18-12 во 35 минута. Тоа беше знак за тајм-аут на клупата на Гуиф, кој во продолжение на натпреварот не вроди со плод. Така „црвено-црните“ до 40. минута дојдоа до „плус шест“, но три успешни интервенции наголманот Рогановиќ значеа и намалување на водството на Вардар (21-18) во 45. минута, а низата ја продолжи Јохан Палм со погодок од контра напад за 21-19.

Во самиот финиш Гуиф на крилата на одличниот голман Рогановиќ го направи натпреварот неизвесен. Во 48 минута Остерхал го постигна првиот гол од игра по воведните три од пенал линијата, за прво израмнување на резултатот во второто полувреме на 22-22.

Во следниот напад Петриќ конечно постигна гол за „црвено црните“ по три минути пост, во следниот напад Томовски ја забележа 10. интервенција, а Петриќ ја врати разликата од два гола.

Гуиф повторно ги искористи шансите кои им ги овозможи Вардар, две грешки и во 52. минута Швеѓаните имаа можност да го израмнат резултатот, но Томовски успешно интервенираше. Во следниот напад Скопјани со играч помалку преку Карапалески го најдоа патот до голот на Гуиф, а Томовски повторно блескаше на голот. Лазаревски со својот шести гол го одведе Вардар на плус три, но ниту тоа не беше гаранција за мирна завршница. Брзите скандинавци анулираа еден гол, а имаа шанса и за втор но грешка во водење на топката пресуди Николиќ од брза транзиција да ја врати разликата од три гола за Вардар во 57.минута.

Томовски во финишот на дуелот беше сигурен на голот, а Швеѓаните брзаа во своите акции, а резултатот остана непроменет. Во трка со времето ракометарите на Гуиф бркаа по целиот терен, успеаа да намалат еден гол од негативата, но Вардарци го привршија дуелот сигурно и на крајот славеа со 28-26.

Вардарци изминатиот ден имаа проблеми со стомачен вирус, а на овој дуел не настапи Косуке Јасухира кој го извлече подебелиот крај и заврши на инфузија.



Извор

Најново

ПОВРЗАНИ ОБЈАВИ
КОЛУМНИ

ДЕНЕСКА НА ТЕРЕНИТЕ: Македонија на тежок испит против силната Шпанија

Женската сениорска репрезентација на Македонија денеска им се...

Дневен хороскоп за четврток, 29-ти февруари 2024-та

ОВЕННе ризикувајте да се потпирате на чудо што ќе...

Ангеловски: Алборг ни покажа зошто со Кил се најдобрите екипи во групата

Ракометарите на Еурофарм Пелистер на последниот домашен натпревар...

Пешевски: Го одигравме најдоброто прво полувреме, но отворивме лошо во вториот дел

Ракометарите на Еурофарм Пелистер на последниот домашен натпревар...