Уште еднаш Бутел покажа дека новиот тим со кој ќе настапува сезонава има сили да игра со секого, но останува да се подобри, и да се издржат сите 60 минути. Само со едно полувреме, и со 30 минути не може да се постигне успех. Турнирот во Охрид, за скопјани е можност да се воиграат сите позиции, да им се даде шанса на помладите кои сеознава влегуваат во „сениорски води“.
Натпреварот меѓу Бутел и Татран му припадна на словачкиот тим, кој победи со 32-25 и победникот го одлучи финишот на првиот и средната на вториот дел. Во првиот дел Татран се врати од негатива од шест голови, а во средината на второто успеа да го скрши отпорот на скопскиот суперлигаш и да го одведе натпреварот во своја полза.
