Заврши уште една прволигашка авантура – Екипа

Во насока на засилена промоција на фудбалската игра на домашната сцена, ЕКИПА со избор на најдобрите од секоја рунда натпревари од ПМФЛ. Покрај тимот на колото и најдобриот играч, ќе се обидеме да ви ги доближиме и сите најинтересни моменти од секое коло, низ една рекапитулација на настаните.

==========================================================================================================================

ТИМ НА 33. КОЛО

Струга Трим и Лум со стил ја заврши историјата сезона во ПМФЛ во која стигна до трофејот со победа против големиот ривал Шкупи на домашен терен од 2-1. Шкендија со триумф над Работнички од 1-2 се прости од својот тренер Ќатип Османи кој повторно се раздели со тетовскиот клуб. Брегалница славеше во Автокоманда со 1-2 против Скопје, додека Тиквеш беше сигурен против „фенерџијата“ Победа (1-4). Единственото реми во оваа рунда го одиграа Академија Пандев и Силекс кои во Струмица ремизираа (2-2). До крајот останува уште да го дознаеме куп шампионот каде во финалето ќе се сретнат Струга ТЛ и Македонија ЃП, како и последниот патник во ПМФЛ следната сезона од бараж мечот меѓу Вардар и Скопје.

====================================

ИГРАЧ НА КОЛОТО: Марјан Радески (Струга ТЛ)

Струга Трим и Лум со стил ја заврши историјата сезона во ПМФЛ во која стигна до трофејот, а неверојатен натпревар во дербито против Шкупи и победата од 2-1 имаше Марјан Радески. Одличниот фудбалер постигна гол, а беше и дел од акцијата за победничкиот погодок на Бесарт Ибраими.

================================

ТРЕНЕР НА КОЛОТО: Горан Здравков (Брегалница)
Брегалница со победа против Скопје од 1-2 ја заврши релативно успешната сезона. Популарниот Чалам постави темели во Брегалница, а петтото место во оваа кампања е добра иницијална каписла за следната сезона во која штипјани ќе ги нападнат местата кои водат во Европа.

==============================

ГОЛ НА КОЛОТО: Сандеј Адетунџи (Шкупи)

Иако Шкупи загуби во последниот натпревар на гостувањето кај Струга со 2-1, натпреварот го одбележа одличната акција на Брдаровски и Адетунџи која во тој момент донесе водство од 0-1 за чаирчани.