Повремената репрезентативка на Македонија, Александра Боризовска, нема да ја менува клупската средина.
28-годишната ракометарка ќе продолжи да го носи дресот на грчкиот шампион ПАОК, откако со раководството на клубот од Солун се договори на нова соработка.
Боризовска во ПАОК пристигна во вториот дел од сезона 2021/22 и веднаш стана главна алка во грчкиот првак.
Искусната ракометарка во Македонија го носеше дресот на Куманово, клуб во кој ги мина сите младински категории.
Со нејзиниот матичен клуб се радуваше на две титули во домашниот шампионат и две титули во Купот на Македонија.
На интернационално ниво го носеше дресот и на хрватскиот суперлигаш Умаг.