Динамо Букурешт ја одбрани шампионската титула во романскиот шампионат на две кола до крајот.
Тимот предводен од Чави Пасквал славеше против Клуж со убедливи 15 гола разлика, 41-26 и сега е недостижен на првото место.
По киксот на Констанца која загуби на гости кај Темишвар со 22-21, Динамо остана на врвот со 70 бода по 24 меча, додека Констанца е втора со 58.
На мечот со Клуж, сите ракометари во тимот на Чави Пасквал се запишаа во листата на стрелците, а најдобар беше екс вардарецот Анте Кудуз со седум гола.
Сега Динамо Букурешт ќе може да се посвети на дуелите од Лигата на Европа, а во јуни ќе се надева на вајлд карта за следната сезона во Лигата на шампионите.