По комплетирањето на последното коло од главната фаза на Светското првенство во Хрватска, познати се сите патници во четвртфиналето.
Место меѓу најдобрите осум репрезентации на кадетскиот Мундијал обезбедија Хрватска, Португалија, Шпанија, Египет, Данска, Норвешка, Германија и Фарски Острови.
Македонската репрезентација настапот во главната фаза го заврши на трето место во својата група и ќе разигрува за пласман од 9 до 12 место.
Изненадувањето на Светското првенство, репрезентацијата на Фарски Острови, за противник во четвртфиналето го доби Египет.
Домаќинот Хрватска за место во полуфиналето ќе се бори против незгодната Норвешка, додека Шпанија налета на Германија.
Интересен четвртфинален дуел се очекува да има меѓу репрезентациите на Данска и Португалија.
Четвртфиналните дуели се закажани за 10 август, полуфиналните за 11 август, а дуелот за бронзата и финалето ќе се одиграат на 12 август.
Следете не на нашите социјални мрежи, на Facebook, и бидете дел од Viber заедницата на 24Ракомет – добивајте ги сите информации веднаш на вашиот телефон!