Овој викенд ќе се одигра 20. коло во единственото женско сениорско натпреварување во Македонија. Актуелниот бранител на титулата, тимот на Ѓорче Петров, уште во ова коло може да ја оствари целта.
Ѓорчепетровки ќе гостуваат кај Чаир, кој заедно со Металург Автокоманда има по 49 бодови на табелата, додека тимот на Симе Симовски 55. Шампионот е фаворит во дуелот со Чаир, но ќе треба максималнно да одигра за да дојде до освојување на бодовите.
Ракометарките на Ѓорче Петров до крајот од натпреварувачката сезона имаат лесен распоред, односно ривали по мерка, со исклучок на незгодниот Вардар, па така со победа на саботниот дуел против Чаир ќе направат недостижна предност.
Во 20. коло ќе има уште еден интересен дуел, ќе играат Вардар и Куманово. Вицепрвакот моментално е подобро рангиран од „црвено-црните“, има 45 бодови, додека Вардар со 43 бодови сѐ уште може да се надева на подобар пласман,
Женска лига, 20. коло, распоред:
20/04, 13:00, Гевгелија – Металург Автокоманда
20/04, 13:30, Шампион – Стружанка
20/04, 14:00, Куманово – Вардар
20/04, 18:00, Чаир – Ѓорче Петров
20/04, 19:30, Скопје – Деспина
21/04, 12:00, Астибо – Пелистер
21/04, 19:00, Овче Поле СУ – Спартак