Женската младинска репрезентација на Македонија имаше победнички старт на Мундијалот во Скопје.
Избраничките на Дарко Јанев ја совладаа селекцијата на САД со убедливи 32-15, но таа победа беше скапо платена бидејќи се повреди средниот бек Бојана Коцева.
Нема премногу детали околу типот на повредата и евентуалната пауза што ја очекува Коцева, но селекторот најави дека ќе мора без неа на следните мечеви.
„Не знам што да кажам. Победа си е победа, но сега мора да најдеме замена за Бојана, а таа е ‘моторот’ на тимот. Мора да подготвиме и нови тактики…“, кратко изјави селекторот по триумфот над САД.
Следен предизвик за Македонија ќе биде дуелот со Исланд, што ќе се игра утре од 18:00 часот во СЦ „Борис Трајковски“, додека третата средба против Ангола е на 22 јуни од 20:15 часот.