Kултурно-историското богатство на Македонија на изложба во Охрид

Фотографии од голем формат од најзначајните културно-историски локалитети и други аспекти на културното наследство од Охрид и на Македонија од 5 до 7 јули ќе бидат изложени во Спомен-куќата на Христо Узунов во Охрид.

Основната цел на проектот  е подобро запознавање и подигнување на јавната свест за промоција, одржување и унапредивање и афирмација на археолошките зони, културно-историските споменици, религиозните објекти и сите други форми на културно наследство на нашата земја, кои се вистински сензации на изложбите во најголемите европски и културни центри.

Со оваа изложба  се афирмираат неколку непобитни историски факти значајни за Република Македонија, дека Свети Климент на возвишението Плаошник над Охридското Езеро создал книжевна школа и универзитет со околу четири илјади посетители, дека македонските фрескосликари во црквата во селото Курбиново, на брегот на Преспанското Езеро и во манстирот „Св. Пантелејмон“ во близина на Скопје, создале дела со кои, всушност, ја навестиле ренесансата.

За она што е откриено и заштитено во Стоби може да се раскаже цела оригинална приказна за објектите, вредностите и начинот на живеење во овој некогаш многу значаен град покрај Вардар и во средиштето на Балканот, дека богатството на артефакти од Плаошник, Хераклеа и на уште голем број археолошки локалитети сведочат за густината на творечките вредности, култури и религии на оваа наша почва. Потоа, фреските, иконите, резбите и иконостасите од Бигорскиот манастир на прочуените протомајстори Макарие Фрчкоски, Димо Гарката, Дичо Зографот и плејадата нивни ученици и соработници во 19 век се сведоштва за нивниот раскошен, индивидуален авторски гениј. Изложбата е во реализација на „Медиа Броадкастинг“, a со подршка од Министерството за култура.


Post Views:
4

Извор

Најново

ПОВРЗАНИ ОБЈАВИ
КОЛУМНИ

СП младинки: Познати се осум учесници во главната фаза

Денеска на Светското првенство во Македонија беа одиграни...

Трикратниот освојувач на ЛШ ќе игра и на 37 години

Поранешниот репрезентативец на Германија, Тобијас Рајхман, ова лето...

🎥 Ѕирнете одблизу: Како Николов и Начевски го судеа финалето на ЛШ

Европската ракометна федерација (ЕХФ) во штотуку изминатата сезона одлучи...

🎥 Ѕирнете одблизу: Како Николив и Начевски го судеа финалето на ЛШ

Европската ракометна федерација (ЕХФ) во штотуку сезона одлучи правдата...