Тимот на Охрид полека го склопува играчкиот мозаик за наредната сезона во која ќе влезе со уште поголеми амбиции.
Средните бекови Стефан Дрогришки и Горан Крстевски се обврзаа на нови соработки на една година. Двајцата Македонци ќе останат „гладијатори“ најмалку до летото 2025 година.
Претходно раководството на Охрид, потпиша нови едногодишни договори со левото крило Крсте Андоновски, голманот Даниел Ѓорѓески и дефанзивецот Милорад Кукоски.
На двегодишни соработки се обврзаа Владимир Бојаниќ, Гал Цирар, Никола Шипинкоски и Иван Тасески, додека веќе се договорени и две засилувања.
Станува збор за голманот Градимир Чаневски и кружниот напаѓач Живан Пешиќ, па несомнено Охрид ќе има силен ростер и следната сезона.