Женската кадетска репрезентација на Македонија загуби на стартот на Европското првенство во Црна Гора од селекцијата на Романија со 40-27.
Почетокот беше ветувачки, нашите ракометарки одржуваа резултатска рамнотежа во првите десетина минути, но потоа влегоа во серија грешки и до крајот на полувремето Романките стигнаа до плус осум, 23-15.
Вториот дел беше само формално одработување на задачата од ривалот, а во македонскиот состав селекторот Кристијан Грчевски им даде шанси на повеќето ракометарки.
Најдобри стрелци во селекцијата на Македонија беа Ива Младеновска со десет гола и Анастасија Трпеска со седум. Следен меч за Македонија следува утре од 13:30 часот против Унгарија.