Тимот на Бенфика, каде што игра македонскиот интернационалец Филип Талески, забележа нова победа во португалскиот шампионат.
Бенфика на домашен терен беше подобра од Мадеира со убедливи 44-28, а во првиот дел момците на Хота Гонзалес постигнаа дури 27 погодоци.
Македонскиот лев бек беше автор на три погодоци во мрежата на Мадеира, која сепак беше лесен плен.
Бенфика е на трето место со 27 бодови, прв е Спортинг Лисабон со 30 бодови, додека Порто на Никола Митревски е втор со 29.