Данскиот шампион ГОГ Гудме по поразот во домашното првенство минатиот викенд, забележа неуспех и во Лигата на шампионите, откако загуби на гости кај Монпелје со 36-25.
Францускиот вицепрвак почна со водство од 4-1, ја имаше контролата на теренот и до крајот не ја испушти предноста.
ГОГ Гудме успеваше одвреме навреме да намали на минус еден или два, но на пауза Монпелје замина со плус три, 16-13.
Во вториот дел играта на данскиот тим комплетно се распадна, Мадсен иако даде 11 гола потроши многу топки, а Менсинг имаше 1/6.
Сите грешки на ГОГ беа казнети од Монпелје, кој на крајот запиша победа со 11 погодоци разлика.
Најдобри стрелци беа Пелас со осум гола и Дос Сантос со пет, додека на голот блескаше Болзингер со 18 одбрани. Кај ГОГ Гудме покрај Мадсен, се истакна и Блонц, кој постигна четири гола.