Синдикатот на холивудските актери SAG-AFTRA во вторникот потпиша тригодишен договор со најголемите филмски студија, со што официјално заврши најдолгиот штрајк кој шест месеци ја парализираше филмската и телевизиската продукција.
SAG-AFTRA објави дека 78 отсто од нејзините членови со право на глас ги поддржале договорите со компании како што се „Netflix Inc“, „Walt Disney Co“ и други членови на Здружението на филмски и телевизиски продуценти (AMPTP, Alliance of Motion Picture and Television Producers).
Склучен по 118 дена штрајк, договорот носи познато зголемување на платите, специјални награди за актери во филмови или серии кои доживуваат голем успех во прикажувањето и на крајот заштитни мерки при користењето на вештачката интелигенција (ВИ) во филмската продукција.
Членството на синдикатот SAG-AFTRA штрајкуваше во јули, а првиот договор со студијата беше постигнат во ноември, и актерите веднаш почнаа да снимаат.
Оваа година штрајкуваа и сценаристите кои тоа го правеа пред холивудските актери. По петмесечен штрајк, сценаристите прифатија нов договор со 99 отсто од гласовите.
Некои актери се жалат дека новиот договор не гарантира доволно заштита од вештачката интелигенција. Според условите на договорот, студиото мора да побара дозвола од познатите актери да ја користат нивната дигитална сличност и да им плати за таквата употреба.
Критичарите се жалат дека текстот на договорот како што е формулиран дозволува „создавање синтетички изведувачи“ што на крајот би можело да ја елиминира потребата од актери од крв и месо.
Штрајкот на сценаристите и актерите зафати голем дел од филмската и телевизиската продукција, го прекина емитувањето на познати емисии и ги принуди радио-телевизските компании да ја полнат есенската програма со репризи и прикажувања на реални шоуа.