ДЕНЕСКА НА ТЕРЕНИТЕ: Еурофарм Пелистер на мегдан со Монпелје

Македонскиот шампион Еурофарм Пелистер денес го очекува нов дуел на ТВ турнирот на шампионите во Добој.

Во рамки од последното коло од групите на традиционалниот турнир во Добој, ривал на избраниците на Александар Јовиќ ќе биде францускиот Монпелје.

Тимот од Франција во вчерашниот дуел против Ал Ахли одигра нерешено, 25:25, додека битолскиот тим беше убедлив против домаќинот Слога Добој со 39:24.

Актуелниот бранител на титулата, тимот на Ал Ахли, за денешен ривал го има домашниот тим и тука се очекува лесна победа за ракометарите на Давид Дејвис.

Словенечкиот шампион Целје ќе се судри со каталонскиот гигант Барселона во дуел од другата група.

Интересен натпревар се очекува да има и на балканското дерби меѓу Загреб и Војводина, која вчера го изненади Целје, триумфираше со 27:24.

По денешните одиграни натпревари ќе биде познат конечниот пласман во групите, по што ќе следува разигрување за пласман, односно борба за трофејот.

Распоред на денешните натпревари на ТВ турнирот на шампионите во Добој:

15:30 АЛ АХЛИ – СЛОГА ДОБОЈ

17:20 ЗАГРЕБ – ВОЈВОДИНА

19:10 МОНПЕЛЈЕ – ЕУРОФАРМ ПЕЛИСТЕР

21:00 ЦЕЛЈЕ – БАРСЕЛОНА



Извор

Најново

ПОВРЗАНИ ОБЈАВИ
КОЛУМНИ

ДЕНЕСКА НА ТЕРЕНИТЕ: Македонија на тежок испит против силната Шпанија

Женската сениорска репрезентација на Македонија денеска им се...

Дневен хороскоп за четврток, 29-ти февруари 2024-та

ОВЕННе ризикувајте да се потпирате на чудо што ќе...

Ангеловски: Алборг ни покажа зошто со Кил се најдобрите екипи во групата

Ракометарите на Еурофарм Пелистер на последниот домашен натпревар...

Пешевски: Го одигравме најдоброто прво полувреме, но отворивме лошо во вториот дел

Ракометарите на Еурофарм Пелистер на последниот домашен натпревар...