Откако загубија со 26:23 од селекцијата на Црна Гора, младинките на Македонија ќе разигруваат за пласман од 13 до 16 место на Младинскиот Мундијал во Скопје.
Избраничките на Дарко Јанев во борбата за што подобар пласман на Светското првенство најнапред ја имаат репрезентацијата на Јужна Кореја.
Доколку Македонија победа на денешниот дуел, тогаш ќе се бори за 13. позиција, а ривал ќе биде подобриот од дуелот меѓу Египет и Кина.
Натпреварот меѓу Македонија и Јужна Кореја ќе се одигра со почеток од 15:45 часот во СЦ „Борис Трајковски“. Влезот за сите љубител е слободен.
Денеска со контролни дуели стартува машката младинска репрезентација на Македонија, која ќе учествува на Европското првенство во Словенија.
Младинците денеска и утре ќе тестираат со нашиот јужен сосед во Верија. Првиот натпревар е закажан за 17:00 часот, додека утрешниот дуел за 11:00 часот.
ДЕНЕСКА НА ТЕРЕНИТЕ:
09:00 АРГЕНТИНА – ГВИНЕЈА
09:30 ЈАПОНИЈА – АНГОЛА
10:30 БРАЗИЛ – ШПАНИЈА
11:15 ИРАН – ЧЕШКА
12:00 МЕКСИКО – САД
13:00 РОМАНИЈА – ГЕРМАНИЈА
13:30 ЕГИПЕТ – КИНА
14:30 ТУНИС – СРБИЈА
15:30 НОРВЕШКА – ЦРНА ГОРА
15:45 ЈУЖНА КОРЕЈА – МАКЕДОНИЈА
17:00 ЧИЛЕ – АЛЖИР
18:00 УНГАРИЈА – ИСЛАНД
18:00 ХОЛАНДИЈА – ШВЕДСКА
19:30 ТАЈВАН – УЗБЕКИСТАН
20:30 ФРАНЦИЈА – ШВАЈЦАРИЈА
20:30 ПОРТУГАЛИЈА – ДАНСКА