ЕХФ бара домаќини на ЕП 2030 и 2032 година

Европската ракометна федерација испрати информација до сите национални федерации дека почнува процесот за аплицирање за домаќинствво на следните големи настани.

Во прашање се Европските првенства во машка и женска сениорска конкуренција што треба да се одржат во 2030 и 2032 година. Писмата на интерес заинтересираните федерации треба да ги испратат најдоцна до 1 ноември 2023 година, а апликациите до 1 јуни 2024 година.

Извршниот Комитет на ЕХФ до крајот на месец јуни 2024 година ќе одлучи кои апликации остануваат во конкуренција, а домаќинствата ќе бидат доделени во декември 2024 година.

Датумите веќе се најавени, а ќе бидат потврдени следната година. Машкото ЕП 2030 година ќе се игра од 10 до 27 јануари, додека ЕП 2032 година ќе се игра од 15 јануари до 1 февруари.

Кај дамите, ЕП 2030 година е планирано од 28 ноември до 15 декември, додека ЕП 2032 година треба да се игра од 2 до 19 декември.

ЕП 2024 кај мажите ќе се одржи во Германија, ЕП 2026 во Данска, Шведска и Норвешка, додека ЕП 2028 во Швајцарија, Шпанија и Португалија.

ЕП 2024 кај жените ќе се одржи во Австрија, Унгарија и Швајцарија, за ЕП 2026 најсериозен кандидат за домаќин е Романија, додека домаќини на ЕП 2028 година ќе бидат Данска, Шведска и Норвешка.



Извор

Најново

ПОВРЗАНИ ОБЈАВИ
КОЛУМНИ

„Забавно е да се игра во Битола“

Голманот на Вардар, Мартин Томовски никогаш во својата...

Кадетското злато остана во Автокоманда

Домаќинот на кадетскиот турнир од Ф4, не залудно...

Младост ја продолжува борбата за второто место во прволигашкиот плеј-оф

Тимот на Младост Богданци пред својата публика не...

Радовиш чекор поблиску до суперлигашки бараж

Екипата на Радовиш пред својата публика одигра според...