Македонскиот шампион Еурофарм Пелистер со пораз го започна настапот на ТВ турнирот на шампионите во босанскиот град Добој.
Египетскиот првак Ал Ахли славеше против битолчани со 34-23, откако и на полувремето имаше предност од четири гола, 15-11.
Во вториот натпревар од групата на македонскиот првак, францускиот Монпелје немаше проблеми против Слога Добој и победи со 44-20.
Во првиот меч од групата А, Барса ја надигра Војводина и славеше со десет гола, 39-29, додека допрва ќе играат Загреб и Целје.
Утре Еурофарм Пелистер ќе игра против домаќинот Слога Добој од 15:30 часот.