Фарски Острови загубија од Иран, Шведска броеше до 62 против Бурунди

Во текот на вчерашниот ден беа одиграни дел од натпреварите од второто коло на Светското кадетско првенство во Хрватска.

Репрезентацијата на Иран, која во првото коло одигра реми со Шведска, успеа да ги совлада Фарски Острови со 29:27.

Иако островската земја имаше 13:9 на полувреме, сепак, кадетите на Иран со подобрата игра во вторите 30 минути дојдоа до важна победа, со која остануваат во игра за втората фаза.

Шведска во дуелот со Бурунди немаше никаков проблем и ја оствари најубедливата победа досега на Светското првенство, триумфираше со 62:16.

Во рамки од групата Х, репрезентациите на Шведска и Иран имаат по 3 бода, потоа следуваат Фарски Острови со 2 бода и на последното место е Бурунди без бодови.

Фарски Острови во последното коло одат на мегдан со Шведска, додека Иран ќе игра против Бурунди.

Египет со победата над Чешка од 28:22 обезбеди пласман меѓу најдобрите 16 кадетски репрезентации на светот. Пласман во следната фаза обезбедија и Германија и Шпанија.

Светско кадетско првенство, резултати, 2. коло:

САД – ГЕРМАНИЈА 15:46 (7:21)

ЧЕШКА – ЕГИПЕТ 22:28 (8:14)

АРГЕНТИНА – САУДИСКА АРАБИЈА 29:29 (13:14)

ИСЛАНД – ЈАПОНИЈА 35:28 (13:10)

БУРУНДИ – ШВЕДСКА 16:62 (4:31)

БАХРЕИН – ШПАНИЈА 18:29 (8:15)

ФАРСКИ ОСТРОВИ – ИРАН 27:29 (13:9)

ЈУЖНА КОРЕЈА – БРАЗИЛ 30:31 (15:16)



Извор

Најново

ПОВРЗАНИ ОБЈАВИ
КОЛУМНИ

ПОЗНАТИ СОСТАВИТЕ: Македонија со две промени против Црна Гора

Женската младинска репрезентација на Македонија денеска ќе го...

Заврши сонот за четвртфинале, Македонија ќе разигрува за пласман од 9 до 16 место

Женската младинска репрезентација на Македонија на Светското првенство...

Познати се шеширите пред ждрепката и во женската елита

Европската ракометна федерација (ЕХФ) денес ги објави  шеширите...