Темноградиот еж (Erinaceus europaeus), кој е широко распространет во поголемиот дел од Германија, надмоќно ги победи верверицата и црвената лисица при гласањето за годишната награда, објави Германската фондација за диви животни во Хамбург.
Донаторите на фондацијата гласаат за оваа награда од 2017 година за да привлечат внимание на загрозениот див свет.
Уништувањето на живеалиштата го загрозува опстанокот на европскиот еж, кој може да порасне и до 20 сантиметри во должина.
Според биологот и директор на фондацијата Клаус Хакландер, во Германија, малите полиња се повеќе ги поместуваат живите огради, шумите и пасиштата кои некогаш биле дом на овие животни.
Затоа се повеќе се селат во градовите каде што им е тежок животот поради автомобилите, асфалтот и косењето трева.
Ежето е на листата на загрозени животни и неговата популација постепено се намалува.