Кил ќе презими како лидер во Лига на шампионите

Со гол во последната секунда од мечот Руне Дамке му донесе триумф на Кил на дуелот со Колштад, 26-25 (15-12) со што германски Кил пролетниот дел од сезоната во А групата на ЕХФ лигата на шампионите ќе го почне како лидер од првото место.

На две минути до крај на мечот Колштад водеше со 25-24, по што следуваа два гола по ред на домаќините. Прво на Дувњак кој на почетокот на 59 минута израмни на 25-25. Потоа Норвежаните не искористија напад, по што следуваше тајмауат на Кил, а Дамке го релизираше она што го замислија, за триумф на домаќините.

За разлика од првото полувреме каде Кил имаше водство, а на полувреме и „плус 3“, во 40 минута Колштад направи пресврт и го презеде водството. До самиот крај беше неизвесно, но Кил ја искористи шансата и победи.

Кил е прв на табелата со 15 бода, а после дуелот Алборг и ПСЖ ќе се знае дали Данците можат да се доближат до Кил, или ќе останат на 12 бода, колку што има и Киелце.

Никлас Екберг со 8 гола беше најпрецизен кај Кил, а кај Колштад по пет дадоа Сагосен, Лисе и Гудјонсон.

Во следното коло што е закажано за февруари, Кил гостува кај Килеце, а Колштад е гостин на ПИК Сегед.

 



Извор

Најново

ПОВРЗАНИ ОБЈАВИ
КОЛУМНИ

Трампа меѓу Кил и Келце – Вулф во Германија, Беласен во Полска!

Според пишувањата на „Билд“, еден од најдобрите голмани Андреас...

Од Куманово во БиХ – Благојевиќ ќе им прави друштво на Граџан, Николиќ, Плех…

Довчерашниот член на Куманово, Милош Благојевиќ, кој во...

Вардар ја врати Јасмина Попова во своите редови

Покрај продолжувањата на неколку договори со клучните играчи,...