Еден од најперспективните ракометари на Србија, Стефан Додиќ, нема да игра до крај на сезоната, потврди директорот на Војводина, Марко Вујин.
Екс ракометарот на Металург, Охрид и Вардар кон средината на месец октомври ја прекина соработката со Целје и се пресели во редовите на Војводина.
Требаше да биде еден од носителите на играта во составот предводен од Борис Ројевиќ, но повредата на коленото го исфрли од ритам и ќе мора да продолжи со рехабилитацијата.
По заминувањето од Македонија и од Вардар, Додиќ мина една сезона во хрватскиот Загреб, а потоа се пресели во словенечкиот Целје, каде не се снајде најдобро.
Со репрезентацијата на Србија на Европското младинско првенство (2022) го освои бронзениот медал и беше прогласен за МВП на младинскиот континентален собир.