Прв финалист на „Купот на пријателството“ во организација на СЕХА лигата е белорускиот првак Мешков Брест.
Тимот предводен од Едуард Кокшаров лесно се справи со освојувачот на трофејот во Европскиот Куп и српски првак Војводина, и славеше со убедливи седум гола, 33-26.
Победникот беше најавен уште по првиот дел, кога Мешков Брест водеше со плус три, 15-12, иако во најголем дел од полувремето тимот од Нови Сад парираше.
Во второто полуфинале од овој пријателски турнир ќе играат Еурофарм Пелистер и Веспрем од 18:00 часот.
Победникот од овој дуел ќе игра со Мешков Брест утре од 18:00 часот во финалето, додека поразениот ќе се соочи со Војводина од 15:00 часот во битка за трето место.