Пешачкиот премин е место каде треба да бегаш како зебра од лав?

За што служат пешачките премини на улиците? Прашањето ви се чини смешно, непотребно оти сите го знаат одговорот. Епа дали е баш така?

Ако ги погледнеме секојдневните извештаи од МВР очигледно е дека многу возачи се казнети оти не даваат предност на лицата кои се на пешачки премин. А за жал често читаме дека и пешачките премини се местата каде се прегазуваат оние што се „осмелиле“ да поминат улица.

Значи, за некого пешачкиот премин е место каде може лесно да си „мавне“ пешак. Тоа нормално ли е?

НЕ Е НОРМАЛНО! Но, за жал се случува пречесто низ Македонија.

Еве вчера 17-годишник со скутер удрил во мајка и дете на пешачки премин во скопската населба Карпош 4. Наместо да помогне на повредените тој се обидел да побегне и при тоа се удрил во друго возило.

Ужасно. За среќа мајката и детето се полесно повредени.

Што треба да се направи за сите во Македонија да го знаат точниот одговор за што служат пешачките премини и како треба да се однесуваат сите учесници во сообраќајот околу нив? Премногу лица се „неуки“. Затоа и има премногу трагични случаи на пешачки премини.

Пред 5 дена – МВР, Републичкиот совет за безбедност во сообраќајот на патиштата и Факултетот за безбедност од Скопје почнаа кампања за подобрување на безбедноста на пешаците под мотото „И јас и ти сме пешаци!“. Целта на кампањата е подигнување на свеста на пешаците дека се рамноправни учесници во сообраќајот и дека задолжително треба да ги почитуваат сообраќајните правила и прописи. Но, и возачите мора да ги почитуваат правилата за да обезбедат безбедност за пешаците.

Добро е да има кампањи. Да им се објаснува и на возачите и на пешаците да се држат до правилата. Но МВР може и други работи понастојчиво да прави околу пешачките премини. Има доволно сообраќајни полицајци за тоа, само треба план и негово спроведување во еден подолг период – за да на сите им стане јасен одговорот – за што служи пешачкиот премин.

Во спротивно може да се подразбере дека пешачкиот премин е место каде луѓето треба да бегаат како зебри пред „лавовите“ седнати во возилата.

ПС. Дека прашањето е сериозно нека помогнат и овие потсетувања: Пред извесно време во Велес на пешачки премин брутално е покосено 11-годишно девојче, а тешко е повредена нејзината мајка; на скопскиот булевар „Партизански одреди“ кај Градежан факултет беше покосена студентка од Крива Паланка; кај Сити мол возило прегази девојка од Радовиш…

Извор

Најново

ПОВРЗАНИ ОБЈАВИ
КОЛУМНИ

„Забавно е да се игра во Битола“

Голманот на Вардар, Мартин Томовски никогаш во својата...

Кадетското злато остана во Автокоманда

Домаќинот на кадетскиот турнир од Ф4, не залудно...

Младост ја продолжува борбата за второто место во прволигашкиот плеј-оф

Тимот на Младост Богданци пред својата публика не...

Радовиш чекор поблиску до суперлигашки бараж

Екипата на Радовиш пред својата публика одигра според...