Темелкоски: Дуелот со Пролет нема големо значење, но сакаме победнички крај дома

Ракометарите на Тиквеш ги очекува претпоследниот натпревар оваа сезона во суперлигашкиот плеј-оф.

Ривал на избраниците на Раде Стојановиќ ќе биде составот на Пролет, а десното крило Евгениј Темелкоски очекува победнички крај на домашен терен.

„Натпреварот со Пролет е претпоследен за сезонава, но последен на домашен терен. Иако нема некое големо значење во распоредот на табелата, сепак пред се сакаме да одиграме добар и ефикасен натпревар и да ја израдуваме нашата верна публика за последен пат оваа сезона“, вели Темелкоски.

Пролет иако обезбеди плеј-оф, не беше конкурентен за местата за европските купови оваа сезона.

„Екипата на Пролет можеби не ја игра својата најдобра сезона, но мора да се стави акцент на тоа дека е составена од искусни играчи и млади талентирани играчи кои сакаат секогаш да се надигруваат. Ние како и секогаш ќе го дадеме максимумот на терен и верувам дека со поддршката од трибините трите бода ќе останат во Кавадарци“, заврши Темелкоски.

Натпреварот меѓу Тиквеш и Пролет се игра во салата „Јасмин“ вечерва со почеток во 19:00 часот.



Извор

Најново

ПОВРЗАНИ ОБЈАВИ
КОЛУМНИ

ПОЗНАТИ СОСТАВИТЕ: Македонија со една промена, Миленковска ќе игра против Исланд

Женската младинска репрезентација на Македонија денеска ќе го...

Полски клуб пред финансиски колапс!

Според пишувањата на „sport.tvp.pl“ тимот на Тарнов во...

Дневен хороскоп за петок, 21-ви јуни 2024-та

ОВЕНСтранично влијание може значително да го попречи вашиот напредок...