На последниот натпревар во групната фаза од Лигата на Европа, црногорскиот Ловќен загуби кај фаворитот Фленсбург со 42-19.
На крајот беше 23 разлика, а уште на стартот по три минути игра се распадна играта на црногорскиот првак, кога Вуко Борозан ги загуби нервите.
Тренерот Перо Милошевиќ веднаш повика тајм-аут. Не поради водството од 3-0 за доамшните, туку поради реакцијата на првата ѕвезда Вуко Борозан, кој не се врати во одбрана, ги ширеше рацете и пцуеше.
„Зошто ги шириш рацете и пцуеш? Земав тајм-аут за да објасниш, ама батали…“ кажа екс тренерот на Вардар и го седна поранешниот играч на „црвено-црните“ на клупа до крајот.
Сигурно дека и со Борозан на терен и без него, Ловќен ќе доживееше убедлив пораз, но тренерот Милошевиќ му покажа кој е главен.
„Вуко жестоко му приговори на еден од соиграчите, викнав тајм-аут и го прашав зошто, но тоа ќе го решиме. За тоа ќе зборуваме подоцна, знам со кого. Наместо него шанса доби Бакиќ и ја искористи“, кажа Милошевиќ после мечот.
Погледнете…