Во суперлигашкиот дуел на новите прволигаши – Скопје и Мулти Есенс, на победа се радуваше тимот од Автокоманда, кој триумфираше со пет гола разлика, 40:35 (22:17).
Иако Скопје настапи без својот прв стрелец, левиот бек Давор Шокоски, сепак даде голем отпор против гостинскиот состав.
На крајот пресуди поголемото искуство на тимот од Автокоманда, кој на денешниот натпревар го имаше расположениот Димитар Узунчев.
Членот на „сино-белите“ имаше дури 14 погодоци во мрежата на домаќините, а го следеше Божидар Илиески со шест реализации.
Во поразениот табор прв стрелец беше Бојан Чакалиќ со девет погодоци, шест постигна Владо Ристески, пет реализации запиша Андреј Божиновски.