Некогашниот вардарец Иван Чупиќ во четврток против Нексе ќе го одигра последниот натпревар во играчката кариера.
Десното крило на Загреб, од лето ќе има нова улога и ќе му биде помошник на тренерот Андрија Николиќ.
„Сигурен сум дека во четврток ќе ми биде последен натпревар как играч. Имаме уште два дена работа и да ја завршиме сезоната со дупла круна. Веќе од четврток навечер ќе почнеме да се спремаме за наредната сезона. Тоа што е важно е што Загреб напредува и ги исполнува своите цели. Драго ми е што останувам во клубот. Благодарност до Андрија што ме предложи за асистент, и на довербата од раководството. Сакам да се развивам како тренер и да учам од поискусните. На крај сакам да се заблагодарам на сите тренери и соиграчи што ме трпеа. Знам дека сум тежок карактер и не им беше лесно мене, но се надевам дека ми простија и ќе ги паметиме само убавите денови. Благодарност и до цело мое семејство без кое немаше да бидам ова што сум“, вели Чупиќ.
Во дресот на Вардар, искусното десно крило играше пет сезони до 2021 година, и освои две титули во Лигата на шампионите.