Денеска со натпреварот меѓу вицепрвакот и Струга ќе започне новото, 10. коло во суперлигашкиот плеј-оф/аут.
Тимот на Кире Лазаров е фаворит во дуелот против Струга, но составот на Наум Танески ќе се обиде повторно да се покаже како незгоден ривал.
Стружани во претходното коло на дуелот со Охрид беа многу блиску до освојување на бодовите, но во последните две минути среќата не беше на нивна страна.
Натпреварот меѓу „сино-белите“ и Струга ќе се одигра во спортска сала „Автокоманда“ од 18:00 часот.
Интересен дуел ќе има во Првата лига, односно во прволигашкиот плеј-оф, каде што во рамки од 8. коло ќе се сретнат Драчево и Младост.
Тимот од Богданци по седум одиграни кола е позициониран на второто место со 18 бодови, додека Драчево е петти со 11 бодови.
Драчево ќе го угости Младост во спортската сала при ОУ „Круме Кепески“, во Кисела Вода, а почетокот на средбата е 20:30 часот.
Низ Европа ќе се игра во неколку шампионати, дерби дуел ќе има во Бундес лигата и во Унгарија, а свој настап ќе имаат дел од нашите интернационалци.
ДЕНЕСКА НА ТЕРЕНИТЕ:
15:00 ХАПОЕЛ ЛЕ ЗИОН – МАКАБИ (ИЗРАЕЛ)
18:00 БРНО – ДУКЛА (ЧЕШКА)
18:00 АЛКАЛОИД – СТРУГА (МАКЕДОНИЈА)
19:00 САВЕХОФ – КРИСТИЈАНШТАД (ШВЕДСКА)
19:00 БАЛИНГЕН – БЕРГИШЕР (БУНДЕС)
19:30 ТРЕБЊЕ – КОПЕР (СЛОВЕНИЈА)
20:00 ВЕСПРЕМ – СЕГЕД (УНГАРИЈА)
20:00 ФЛЕНСБУРГ – МАГДЕБУРГ (БУНДЕС)
20:00 ХУЕСКА – КУЕНКА (АСОБАЛ)
20:20 ВЕСТ ВИЕН – ГРАЦ (АВСТРИЈА)
20:30 ТУЛОН – БРЕСТ (ФРАНЦИЈА)
20:30 ДРАЧЕВО – МЛАДОСТ (МАКЕДОНИЈА)
21:30 ГРАНОЉЕРС – ТОРЕЛАВЕГА (АСОБАЛ)