Членката на Чаир, Магдалена Којовиќ, го доби признанието за најкорисен играч, односно ѕвезда на 21. коло во Женската лига.
Црногорската интернационалка на дерби дуелот против Куманово бранеше на солидно ниво, во финишот фати неколку клучни топки и беше меѓу најзаслужните за освоената победа.
Голманката на гласањето немаше голема конкуренција, доби околу 66% од гласовите на читателите на 24Ракомет, додека второпласирана беше Сара Миновска со 31%.
Во конкуренција за ѕвезда на 21. коло беше и членката на Ѓорче Петров, Емилијана Ризоска.
