Традицијата продолжува и екипата на 24Ракомет и годинава ви овозможува во секое коло од разигрувањето за титула и за опстанок да гласате за најдобрите ракометари по коло во пролетниот дел од сезоната.
На крајот од сезоната повторно ќе ја избереме иделната седморка, а во меѓувреме за секое коло од плеј-оф и плеј-аут ќе ви дадеме можност да го изберете најдобриот играч во идеалниот тим што го предлага тимот на 24Ракомет.
Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 9 коло од плеј-оф/аут во суперлигашката конкуренција.
Едноставно, гласајте за ракометарот за кој сметате дека бил меѓу најдобрите и го одбележал ова коло.
Meѓу номинираните за ова коло има двајца ракометари од Вардар Неготино, како и по еден од Вардар, Еурофарм Пелистер, Куманово, Охрид и Прилеп.
За МВП на колото ќе можете да гласате до петок до 12 часот.
Супер лига, 9. коло, резултати:
Плеј-оф
ТИКВЕШ – АЛКАЛОИД 23-28 (ИЗВЕШТАЈ)
ЕУРОФАРМ ПЕЛИСТЕР – БУТЕЛ СКОПЈЕ 30-22 (ИЗВЕШТАЈ)
СТРУГА – ОХРИД 21-24 (ИЗВЕШТАЈ)
ПРОЛЕТ – ВАРДАР 20-21 (ИЗВЕШТАЈ)
Плеј-аут
АЕРОДРОМ – СКОПЈЕ 0-10 служ.
ВАРДАР НЕГОТИНО – МУЛТИ ЕСЕНС 32-26 (ИЗВЕШТАЈ)
ПРИЛЕП – ГОЛДЕН АРТ 26-23 (ИЗВЕШТАЈ)
КУМАНОВО – ЕУРОФАРМ ПЕЛИСТЕР 2 29-23(ИЗВЕШТАЈ)
ИДЕАЛЕН ТИМ НА 9. КОЛО ОД СУПЕРЛИГАШКИОТ ПЛЕЈ-ОФ/АУТ
Голман: Александар Мицев (Вардар Неготино) – Чуварот на мрежата на неготинци имаше девет интервенции, но сите беа во важни моменти.
Лево крило: Марко Срдановиќ (Вардар) – Србинот беше меѓу најдобрите поединци на мечот со Пролет.
Лев бек: Огњен Радојичиќ (Куманово) – Левиот бек со осум гола беше меѓу најзаслужните за важниот триумф над Еурофарм Пелистер 2.
Среден бек: Петар Бугариновиќ (Вардар Неготино) – Српскиот плејмејкер постигна 12 погодоци во победата над Мулти Есенс.
Десен бек: Никола Јукиќ (Охрид) – Хрватскиот десен ја продолжи одличната форма и во езерското дерби против Струга.
Десно крило: Денис Шабановиќ (Прилеп) – Црногорецот со седум гола беше најдобар стрелец против Голден Арт.
Пивот: Жарко Пешевски (Еурофарм Пелистер) – Кружниот напаѓач беше меѓу најдобрите во триумфот над Бутел Скопје.