Женската младинска репрезентација на Македонија на СП во Скопје го доживеа првиот пораз, откако во второто коло од групната фаза загуби убедливо од Исланд со 29:17 (11:11).
Иако Македонија добро стартуваше, осум минути беше без примен гол, сепак, Исланд успеа да направи камбек и во второто полувреме целосно доминираше на теренот.
Селекторот на Македонија, Дарко Јанев, го анализираше поразот и истакна дека неговите избранички не одиграле според договореното.
,,Стартувавме добро, игравме добро во првите 20 минути, а после тоа сѐ тргна наопаку. Не одигравме според договореното и направивме премногу технички грешки”, изјави Јанев.
Утре Македонија против Ангола ќе се бори за пласман во главната фаза на младинскиот Мундијал.
Македонија доживеа дебакл, но шансите за главната рунда останаа
Чурлиновска собра 12 одбрани и стана МВП против Исланд