МАКЕДОНИЈА Е ДЕВЕТТА СВЕТСКА СИЛА!

Машката кадетска репрезентација на Македонија заврши на 9. позиција на Светското првенство во Хрватска.

Избраниците на Раде Стојановиќ во вечерашниот дуел против Чешка одиграа на ниво и славеа со 28:22.

Македонските кадети од самиот старт, па до крајот на првиот дел беа во предност, дозволија ривалот само еднаш да израмни во првото полувреме (3:3), потоа без многу проблеми ја диктираа играта на теренот.

Македонија во првите 30 минути беше во константно водство од три до четири гола разлика и на пауза замина со активен резултат од 13:11.

Чешка за момент се врати во вториот дел, најпрво израмни на 14:14, потоа во 35-та минута поведе со 15:14. По играта гол за гол, ракометарите на Стојановиќ се оддалечија на 19:17 недозволувајќи и на Чешка премногу надеж за камбек.

Во последните десет минути дојде до израз квалитетот на „црвено-жолтите“ кои ја зголемија разликата и со победа го завршија настапот на СП.

Најефикасен во Македонија беше Мирче Калајџиески со 12 погодоци, осум додаде Давид Димевски, четири реализации имаше Марио Стојковски.

Нашата репрезентација доживеа само два порази и двата беа од скандинавските селекции – Норвешка и Данска.

Освен победата против Чешка, совладани беа и репрезентациите на Црна Гора, Грузија, Австрија и Унгарија.

Следете не на нашите социјални мрежи, на Facebook, и бидете дел од Viber заедницата на 24Ракомет – добивајте ги сите информации веднаш на вашиот телефон!



Извор

Најново

ПОВРЗАНИ ОБЈАВИ
КОЛУМНИ

Трампа меѓу Кил и Келце – Вулф во Германија, Беласен во Полска!

Според пишувањата на „Билд“, еден од најдобрите голмани Андреас...

Од Куманово во БиХ – Благојевиќ ќе им прави друштво на Граџан, Николиќ, Плех…

Довчерашниот член на Куманово, Милош Благојевиќ, кој во...

Вардар ја врати Јасмина Попова во своите редови

Покрај продолжувањата на неколку договори со клучните играчи,...