Грузискиот репрезентативец Хазеин Рустамов, кој минатата сезона го носеше дресот на Охрид, би можел да остане покрај езерото, дознава 24Ракомет.
Екипата на Струга покажала интерес за неговите услуги, па Рустамов најверојатно ќе се пресели во овој тим.
Грузиецот веќе три сезони е во Македонија, а пред Охрид имаше одлични настапи и за тимот на Прилеп.
Стружани останаа без Ненад Костоски на левата крилна позиција, па во Рустамов гледаат идеално решение.
Досега тимот на Наум Танески се засили со искусното трио Младеновски, Маркоски и Мојсоски, како и пивотот Тренчевски и десниот бек Бошњак.