Вардар го совлада Еурофарм Пелистер со 24-20 во осмата рунда од суперлигашкиот плеј-оф и се врати во битката за титулата.
Десниот бек Томислав Јагуриновски се врати на терените по кратка пауза на минатиот натпревар против Бутел Скопје, но се уште не е во полна форма.
Тој вели дека ќе биде тешко да се стигне до титулата, бидејќи не зависи се од вардарци.
„Ќе биде малку тешко да стигнеме до титулата. Ние даваме се од себе, ако успееме да бидеме први, ќе биде одлично. Еурофарм Пелистер игра одлично, не е екипа против која можеш лесно да направиш разлика. Им честитам на нив за играта денеска против нас. Малку бев надвор од терените, но се вратив и сега повеќе играм во одбраната. Тешко е дека Еурофарм Пелистер ќе има кикс до крајот, но ние се надеваме дека ќе се случи тоа“, изјави Јагуриновски.
Следна обврска за Вардар ќе биде гостувањето кај Пролет в петок, додека Еурофарм Пелистер ќе игра дома в сабота со Бутел Скопје.