Македонскиот репрезентативен голман Никола Митревски ја продолжи одличната форма и на првиот натпревар од плеј-офот во Португалија.
Неговиот Порто беше подобар од Бенфика, каде што игра Филип Талески, и славеше со 36-32 во дербито на колото.
Митревски царуваше меѓу стативите на Порто и успеа да одбрани дури 15 шута на противниците, но и постигна два гола.
Талески беше меѓу подобрите во гостинскиот состав кој имаше само 12 ракометари, го одигра скоро цел меч во двата правци и постигна четири погодоци.
Спортинг е прв со 33, Порто има 32, додека Бенфика е трета со 30. Во следната рунда Порто гостува кај Брага, додека Бенфика ќе игра ново дерби со Спортинг Лисабон.