Две екипи кои се борат да останат во елитата – Прилеп и Куманово, денеска по вторпат се сретнаа во рамки од 12. коло од плеј-аут фазата, а на победа се радуваа прилепчани, на крилата на голманот Ангелески и добрата одбрана во последните десет минути дојда до посакуваната цел триумфирајќи со 27:24. Прилеп во последните две кола ќе се соочи со Вардар Неготино на гостински терен и со Еурофарм Пелистер 2 на домашен терен, суперлигашки бараж е најмалку обезбеден, а блиску е и опстанокот во елитната конкуренција.